Gazeta zvicerane në gjuhën shqipe LeCanton27 ka bërë një investigim për Dubain, si është të jetosh atje dhe kontradiktat.

Me një popullsi prej 3 mln banorësh, mësohet se në Dubai ndodhen 50 mijë punonjëse të seksit.

Në vitin 2006, Emiratet e Bashkuara Arabe dëbuan 4300 prostituta të huaja. Besohet se aty janë edhe 500 vajza nga Shqipëria të cilat punojnë si eskorta.

Ndërkohë eksperti Fation Softa, u shpreh se në Dubai kryesisht shkojnë mosha të reja, pasi kështu është kërkesa në treg.

I ftuar në emisionin “Good Morning Albanians” në Euronews Albania, ai theksoi se në Dubai i kërkojnë dhe sipas rracës.

“Kryesisht janë mosha të reja pasi dhe kërkesa në treg është për mosha të reja. Moshat fillojnë nga 18 deri në 25 vjeç. Më pas varet nga vlera dhe rracat që duan. Ka dhe preferenca origjine. Rekomandonin që të ishin nga Rusia dhe zonat e Brazilit”-tha ai.