Eksperti amerikan, David Philips është shprehur mjaft ashpër rreth çasjes së Aleksandër Vuçiqit për marrëveshjet e dakorduara me Kosovën.
Philips i tha Gazetës Blic se Vuçiqin e sheh si fajtorin kryesor, që deri tash marrëveshjet e dakorduara Kosovë-Serbi nuk kanë progres, teksa shton se presidenti serb i sheh shqiptarët me përbuzje.
“Vuçiq nuk është i sinqertë për një marrëveshje. Ai përshëndet bazën e tij nacionaliste të mbështetësve dhe i sheh shqiptarët e Kosovës me përbuzje”, tha Philips.
Sipas Philips, Vuçiq e përçmon Kurti dhe bisedimet i bën me paragjykim.
“Nuk është e mundur të kesh një negocim të suksesshëm me dikë që përbuzë bashkëbiseduesin e tij dhe i qaset bisedimeve me paragjykim”, tha Philips për GazetaBlic.
Një qasje po thuajse të njejtë ndaj presidentit serb, Aleksandër Vuçiq, ka pasë edhe Jamie Shea i cili tha për GazetaBlic se fajtori kryesor që kjo marrëveshje s’ka gjetur zbatim është Serbia, pasi sipas tij, incidentet në veri të Kosovës kanë qenë një pretekst i mëtejshëm për të ngrirë marrëveshjen dhe për të penguar të gjithë progresin.
