Lidhja Demokratike e Kosovës si subjekti i tretë aktualisht në vend, do ta shkoj në proces të brendshëm zgjedhor ku do të dihet kryetari i ri, Kryesia dhe Këshillin Drejtues, raporton Gazeta Blic.
Partia që drejtohet nga Lumir Abdixhiku do të mblidhet gjatë ditës së sotme në ora 15;00 për të caktuar datën se kur mund të nis procesi i brendshëm zgjedhor në këtë subjekt politik.
Por burime të Gazeta Blic kanë thënë se që nga fillimi i muajit të ardhëm LDK zyrtarisht do të jetë në proces zgjedhor.
“Nga data 1 qershor fillon procesi’, ka thënë për Gazeta Blic i një burim brenda subjektit që drejtohet nga Lumir Abdixhiku.
Deri në këto momente nuk dihet nëse kryetari aktual do të ketë kundërkandidat, pro që jo zyrtarisht është përmendur se Avdullah Hoti mund të jetë kundër kandidat i Abdixhikut.
Ndryshe, përveç kryetarit, Kuvendi Zgjedhor i LDK-së do të nxjerrë edhe kryesinë e re të subjektit dhe organet e tjera drejtuese në zgjedhjet që do të mbahen.
Por pak ditë para se të hapet zyrtarisht fushata e brendshme në LDK ka pasur disa dorëheqje.
Nënkryetarja e parë Shqipe Mjekiqi kishte dhënë dorëheqje nga kjo parti me “arsyetimin se nuk kishte hapësirë të mjaftueshme për veprim”.
Dorëheqja e fundit ka ndodhu sot ku Faton Bislimi përmes një letreje të gjatë ka dhënë arsyet e largimit nga partia.
Ndër të tjera ai ka pasur edhe akuza për kryetarin aktual.
Aktualisht, kryetar i LDK-së është deputeti opozitar, Lumir Abdixhiku.
Abdixhiku, i cili kishte përballë edhe dy kandidatë tjerë për kryetar të LDK-së, nënkryetarin, Lutfi Haziri dhe anëtarin e kryesisë, Besian Mustafën, kishte fituar pa balotazh.
Abdixhiku pati marrë 191 votave të 328 delegatëve të këtij kuvendi.
Zgjedhja e kryetarit të ri të LDK-së më 14 mars të vitit 2021, ishte bërë me vota të fshehta.
Pas marrjes së detyrës udhëheqëse të LDK-së, Abdixhiku kishte thënë se kjo parti do të nisë rrugën për t’u kthyer, siç e ka quajtur ai, në vendin e saj origjinal.
Sot mblidhet LDK-ja, caktohet data e zgjedhjeve të brendshme
