Kryetari i degës së LDK-së në Podujevë, Ekrem Hyseni, përmes një postimi në rrjetin social facebook, ka ftuar qytetarët e Podujevës që të marrin pjesë në tubimin e LDK-së në Podujevë.

Ky tubim është organizuar në kuadër të ‘Turneut të Ndryshimit’ të Lidhjes Demokratike të Kosovës, ku Hyseni fton qytetarët që me 15 nëntor në orën 18:00 të bëhen pjesë e këtij tubimi.

Postimi i plotë:

Të nderuar veprimtarë, anëtarë dhe simpatizantë të LDK-së, qytetarë të Llapit,

Ju ftoj të merrni pjesë në tubimin e LDK-së në Podujevë, të organizuar në kuadër të ‘Turneut të Ndryshimit’ të Lidhjes Demokratike të Kosovës dhe kandidatit tonë për Kryeministër, Dr. Lumir Abdixhiku.

Ejani dhe bëhuni pjesë e rrugëtimit tonë plot shpresë!
Bëhu ndryshimi!
📅 15 NËNTOR
🕕 ORA: 18:00
📍 VENDI: Palestra Sportive “Hakif Zejnullahu” Podujevẽ