Showtime

Einxhel rrëzohet keq në shtëpinë e Big Brother VIP, banorët në pritje të doktorit, reagon Dj Dagz

01/28/2022 12:47
nga:G C

Prezantuesja e njohur Einxhel Shkira ka përjetuar një moment aspak të këndshëm të enjten në Big Brother VIP.

Teksa tentoi të rrotullohet në një orendi në formë rrethi, ajo rrëshqiti së bashku me orendinë dhe u rrëzua në dysheme.

Në atë moment, banorët që ishin në dhomë e ndjenjës fillojnë të qeshin, teksa kur shohin se situata është serioze i vijnë në ndihmë.

Pasi banorët dalin në oborr, ata fillojnë të qeshin me të madhe duke kujtuar momentin e rrëzimit, ndërkohë që aktori Donald Veshaj vrapon për t’i ardhur në ndihmë.

Ndërkohë, fansat e çiftit kanë publikuar në rrjetet sociale një mesazh që kanë pranuar nga i dashuri i Einxhel, DJ Dagz, në një grup privat të fansave të krijuar në Instagram.

“E fortë është Einxhelm, mos u bëni merak”, ka shkruar Dagz, duke treguar kështu se nuk ka vend për shqetësim.