Egjipti ka siguruar kualifikimin në Botërorin 2026. Fitorja e sotme me rezultatin 0-3 ndaj Djiboutit vendosi fatin përfundimtar për këto kualifikuese.
Takimi nuk pati surpriza. Fillimisht goli i Adel dhe më pas dopieta e Salah vulosën fatet e takimit.
Egjipti udhëheq Grupin A, ndërsa bëhet skuadra e tretë afrikane që e siguron kualifikimin. Më parë ia kanë dalë gjatë kësaj kohe edhe Maroku me Tunizinë.
Kjo është hera e katërt në histori për Egjiptin, që do marrë pjesë në Botëror. Çfarë bie në sy është se bëhet fjalë për herën e dytë në periudhën ku jep kontributin e tij Salah.
Kështu tashmë shkon në 19 numri i përfaqësueseve që dihen si pjesëmarrëse. Kanadasë, Meksikës dhe Amerikës u janë bashkuar: Japonia, Zelanda e Re, Irani, Argjentina, Uzbekistani, Korea e Jugut, Jordania, Australia, Brazili, Ekuadori, Uruguai, Kolumbia, Paraguai, Maroku, Tunizia dhe Egjipti.
