Edin Dzeko pranon se ndonjëherë i mungojnë golat e lehtë dhe këmbëngul se tek Interi ka vend për përmirësim.

Reprezentuesi boshnjak e hapi rezultatin në fitoren 3-1 të Interit kundër Sherifit në Stadio “Giuseppe Meazza”, përcjell GazetaBlic Sport.

Ish ylli i Romës gjeti rrjetën në pjesën e parë me një përfundim të bukur të këmbës së majtë.

“Ndonjëherë i bëj golat e vështirë të duken të lehtë dhe herë të tjera humbas shanset e lehta,” tha Dzeko për Sky Sport Italia.

“Mund të ketë të bëjë me përqendrimin, por gjëja më e rëndësishme ishte shënimi.

“Ne meritonim më shumë në Romë [kundër Lazios],” vazhdoi sulmuesi.

“Sidoqoftë, ne bëmë mirë sonte pasi grumbulluam vetëm një pikë në dy ndeshjet e para.

“Është për të ardhur keq që pësuam një gol. Të gjithë duhet të mbrohen dhe të sulmojnë mirë, ne duhet të përmirësohemi të gjithë së bashku, por ne jemi në rrugën e duhur”, përfundoi ai.

/GazetaBlic Sport/