Eder Militao dha një intervistë për të përditshmen spanjolle Marca, në të cilën qendërmbrojtësi brazilian i Real Madrid flet pak për gjithçka, përfshirë investimin që klubi ka bërë për të.

“E justifikova investimin, po. Kur mbërrita gjërat nuk po shkonin mirë, sepse kisha para meje dy qendërmbrojtës shumë të vlefshëm, të cilët kishin luajtur së bashku për një kohë të gjatë. Tani e kam treguar vërtet arsyen e transferimit tim”, ka thënë lojtari që u largua nga FC Porto në vitin 2019 për në kryeqytetin spanjoll për 50 milionë euro.

Eder Militao foli edhe për Carlo Ancelotti, trajnerin me të cilin fitoi Championsin, La Liga dhe Superkupën e Spanjës.

“Ai është një trajner i madh. Ai na ndihmon shumë dhe gjithashtu respekton vendimet e lojtarëve. Ai flet shumë në stërvitje. Dhe ai rezulton të jetë një person argëtues, është shumë i lidhur me lojtarët”, tha qendërmbrojtësi brazilian.

/GazetaBlic Sport