Sporti

E tmerrshme | Marcelo dëmton padashje kundërshtarin e tij – përjashtohet menjëherë me të kuq, del nga fusha me lot në sy

08/02/2023 09:20
nga:Lorik J

Marcelo, një legjendë e Realit dhe një nga futbollistët më të trofeshëm në histori, u rikthye në klubin e tij të lindjes Fluminense. Duke luajtur për klubin brazilian, ai dëmtoi rëndë kundërshtarin e tij Luciano Sanchez nga Argentinos Juniors në një ndeshje të Cope Libertadores. Në minutën e 58-të, Marcelo e mori topin në zotërim dhe padashje e dëmtoi ashpër Sanchez, ku sipas pamjeve duket që ia dëmtoi këmbën.

Marcelo duket se e ka lënduar seriozisht kundërshtarin e tij, por skena e këmbës së Sanchez të rrotulluar në mënyrë të panatyrshme është vërtet e tmerrshme. Marcelo u përjashtua menjëherë dhe u largua nga fusha duke qarë dhe duke shtrënguar kokën. Marcelo e di se me këtë fillim ka vënë në rrezik vazhdimin e karrierës së kundërshtarit të tij 29-vjeçar.

Pas lëndimit të rëndë, braziliani legjendar njoftoi në Instagram, ku ndiqet nga më shumë se 64 milionë njerëz: “Sot kam përjetuar momentin më të vështirë në fushë. Lëndova pa dashje një koleg futbollist. Luciano Sanchez, të uroj më të mirat, rikuperimi të shpejtë dhe gjithë forcën e botës”, shkroi ai.

Ja pamjet:

Lajme tjera