Sulmuesi polak Robert Lewandowski është një nga golashënuesit më të mëdhenj në historinë e futbollit, por në fund të sezonit 2022/2023 ai mori një urdhër të habitshëm nga drejtuesit e Barcelonës – të ndalonte së shënuari gola.

Pretendimi vjen nga Sebastian Staszewski, autor i biografisë së sulmuesit polak. Sipas tij, arsyeja për këtë kërkesë të pazakontë është një klauzolë specifike në kontratën e transferimit të Lewandowskit nga Bayern Munich te Barcelona, transmeton GazetaBlic Sport.

Kur Lewandowski arriti shifrën e 23 golave ​​për sezonin, klubi i urdhëroi të ndalonte së shënuari. Në atë kohë, kriza financiare e Barcelonës ishte në kulmin e saj dhe çdo shpenzim ishte kritik.

Barcelona nënshkroi Lewandowskin për 45 milionë euro në verën e vitit 2022. Megjithatë, marrëveshja me Bayern Munich përfshinte një bonus shtesë prej 2.5 milionë eurosh, i cili do të kishte vënë një barrë shtesë në buxhetin e klubit spanjoll.

Pavarësisht moshës së tij të avancuar në futboll, Lewandowski 37-vjeçar vazhdon të jetë efektiv. Këtë sezon, ai ka shënuar shtatë gola në nëntë ndeshje të luajtura.

/GazetaBlic Sport/