Showtime

‘E ndava bastardin’/ Roza Lati sqaron deklaratën që nxiti dyshimet se i ka dhënë fund beqarisë

08/09/2022 07:48
nga:G B

E momentuar shpesh në media dhe rrjetet sociale, moderatorja e njohur, Roza Lati, mbetet protagoniste e lajmeve si vetë emri i saj.

Kohë më parë u publikua lajmi se ajo i ka dhënë fund beqarisë. Pastaj një tjetër lajm se ajo i dha fund lidhjes së disa muaj më parë.

Së fundmi të gjitha këto janë konfirmuar nga vetë Roza Lati. Ajo ishte e ftuar në “Prive Reality” ku u pyet nga moderatorja, Liberta Spahiu, në lidhje me statusin e saj. Roza konfirmoi se është beqare dhe se i ka dhënë fund lidhjes.

“Kanë dalë llafe që jam fejuar. Jo nuk jam fejuar. Kam qenë në studio me Monika Lubonjën dhe kam bërë një shaka një batutë. Dhe prej shakasë e kanë kapur e kanë…. Jam single, do thuash që jam ndarë këto kohët e fundit? Po jam ndarë! E ndava bastardin nuk më meritonte”– tha Roza Lati.

Çfarë ndodhi në emisionin e saj?

Teksa kishte të ftuar Monika Lubonjën, Roza e pyeti se përse nuk martohet.

Roza Lati: E bukur je, e qeshur, pozitive…

Monika: Të gjitha të mirat, por si duket meqë nuk kam një të keqe, këtu po çaloj. Nuk i duan kaq të mira.

E më pas moderatorja ka treguar se në një periudhë të jetës së saj kur ‘ishte beqare’ nuk i shkruante njeri pasi mendonin se ajo ishte në një marrëdhënie me dikë.

Roza: Në një periudhë të jetës time kur unë kam qenë beqare e dashur Monika…

Monika: Pse tani je e martuar?

Roza: Nuk duhet ta nxjerrë unë lajmin këtu nuk duhet të bëhet për mua po për ty. Isha për një kohë të gjatë beqare edhe nuk më vinin as mesazhet nuk më shkruante njeri dhe e din si ishte puna?Mendojnë të gjithë se kushedi sa i shkruajnë asaj dhe nuk më shkruante asnjë njeri.

Ishte pikërisht kjo deklaratë që u interpretua si një pohim pa dashje i Rozës.