Trajneri i Milanit, Paulo Fonseca, ka komentuar fitoren 1-3 ndaj Real Madridit në ndeshjen e Champions League.

Ai tha se skuadra e tij ka luajtur pa frikë ndaj mbretërve të Europës, duke fituar kështu ballafaqimin.

“Mendoj se luajtëm pa frikë. Të vish këtu dhe të luash kundër ekipit më të mirë në botë për momentin nuk është e lehtë, veçanërisht nëse dëshiron të luash me guxim dhe të tregosh fytyrën tënde. Mendoj se kemi pasur një pjesë të parë perfekte”, tha Fonseca për zyrën e shtypit të UEFA-s.

Real Madrid është në vendin e 17-të në renditjen e Ligës së Kampionëve. Edhe Milani ka grumbulluar 6 pikë, por është në vendin e 18-të.

/GazetaBlic Sport