Dy ish lojtarët e Real Madridit, Predrag Mijatovic dhe Jorge Valdano, kritikuan trajnerin Carlo Ancelotti pas humbjes 3-1 të së martës në Ligën e Kampionëve ndaj AC Milan.

Mijatovic foli për Radio SER dhe tha se ndërsa ndjen mëshirë për Real Madridin dhe gjendjen aktuale, ai ndjen se skuadra i ka dalë nga duart Ancelottit.

“Pas dy-tre vitesh të shkëlqyera, me gjithçka që ka fituar, skuadra relaksohet pak. Është e qartë,” tha ai.

“Ancelotti po dëgjon shumë mendime. Ai nuk ka një pozicion si në vitet e fundit,” përfundoi Mijatovic për trajnerin.

Valdano, i cili është një nga analistët më të respektuar të Spanjës, tha se Ancelotti ka përgjegjësinë.

“Sa herë që nuk ka rend, trajneri ka një pjesë të përgjegjësisë”, deklaroi Valdano, duke shtuar se fajin duhet ta mbajë edhe kushdo që është përgjegjës për hartimin e një skuadre ku “nuk ka shumë ekuilibër”.

“Ka përgjegjësi individuale. Ka lojtarë të mëdhenj që ende nuk e kanë gjetur momentin e tyre më të mirë,” tha gjithashtu argjentinasi.

/GazetaBlic Sport