Sporti

Dukagjini kalon në finale të Kupës pa e luajtur ndeshjen e kthimit, përfiton nga lëshimi skandaloz i Istogut

04/08/2021 18:16
nga:Lorik J

Dukagjini i Klinës e ka mposhtur Istogun në ndeshjen e parë gjysmëfinale të Kupës së Kosovës në futboll me rezultat 2:1.

Mirëpo, klubi i Istogut në ndeshjen e zhvilluar të mërkurën në stadiumin “Demush Mavraj” e ka bërë një lëshim duke e inkuadruar një futbollist në lojë, i cili e kishte plotësuar numrin e kartonëve të verdhë (tre).

“Zeri.info” nga burime të sigurta zbulon se Dukagjini është ankuar në Komisionin e Garave brenda afatet derisa është vërtetuar se lojtari nuk kishte të drejt loje.

Sipas rregullores, Dukagjini do ta fitojë këtë ndeshje me rezultat zyrtar 3:0.

Gjithashtu, rregullorja saktëson se nëse lëshimi bëhet në ndeshje gjysmëfinale, klubi i cili ka bërë shkelje nuk ka të drejt të luaj në ndeshjen tjetër andaj Dukagjini pritet që të kualifikohet direkt në finale.

Vendimi pritet që të merret nga Komisioni i Garave.

Kjo skuadër në finalen ë Kupës do të takohet me Prishtinën apo Llapin.

Ndeshja e parë e zhvilluar në mes këtyre ekipeve në stadiumin “Fadil Vokrri” në Prishtinë ka përfunduar me rezultat 3:2 në të mirë të Llapit.