Deputeti i Aleancës për Ardhmërinë e Kosovës Shemsedin Dreshaj, e ka kritikuar qeverisjen e kryeministrit Albin Kurti.

Dreshaj në Edicionin Special në Klan Kosova tha se Kurti tërhiqet çdoherë sepse bën hapa të gabuara.

“Një qeverisje e cila fatkeqësisht nuk i bën hapat në koordinim me miqtë tanë me të cilët e kemi krijuar këtë shtet”, tha Dreshaj.

Ndërkaq kryetari i AAK-së Ramush Haradinaj, në konferencën e mbajtur për media pas mbledhjes së kryesisë së kësaj partie tha se opsioni i tyre është formimi i një qeverie të unitetit kombëtar, ku do të merrnin pjesë të gjitha partitë.