Gjatë ditës së diel në Kosovë janë ndjerë lëkundje të lehta toke.

Epiqendra e tërmetit ishte 10 km në jug të Vitisë. Tërmeti në fjalë është ndier dukshëm në disa zona përreth.

Drejtori i Institutit Sizmik, Shemsi Mustafa ka thënë se përpos këtij tërmeti, gjatë javës së kaluar Kosova është goditur 7-8 tërmete, me shkallë të ndryshme të rihterit.

Sipas tij, në të ardhmen, Kosova mund të goditet nga një tërmet me magnitudë 6.3 shkallë të rihterit.

“Kjo tregon se në të kaluarën por edhe tani Kosova mund të goditet me një magnitudë prej 6.3 shkallë të rihterit, shqetësimi i qytetarëve është krijuar sepse të gjithë e dinë se një dekadë pasluftës kanë qenë disa ndërtime të kryera në mënyrë të egër, pa respektuar kriterin e ndërtimit”, ka thënë ai në emisionin “Sot”.