Edhe pas shtatë vjetësh, Borussia Dortmundi vazhdon të përfitojë nga shitja e francezit Ousmane Dembele.
Dembele në verën e vitit 2017, u transferua te Barcelona për 135 milionë euro.
Kjo e bën Dembelen si futbollistin më të shtrenjtë të shitur nga Bundesliga.
Sipas raportimeve të gazetës gjermane “Bild”, Dortmundi tani e ka pranuar edhe pagesën e fundit nga skuadra nga Katalonja.
Totali i transferimit është bërë për 148 milionë euro, me bonuse.
Për shkak të shumë lëndimeve, Dembele nuk e shfaqi gjithë potencialin te Barcelona.
Dhe në verën e vitit të kaluar, Dembele u transferua te Paris Saint-Germaini.
Francezi 27-vjeçar u transferua te parisienët për 50 milionë euro.
