Kryefjalë e të gjithë portaleve, bisedave në kafe e kudo është trekëndëshi Bora Zemani-Donald Veshaj dhe Beatrix Ramosaj.

Donaldi pasi puthi moderatoren pas hyrjes në Big Brother duke konfirmuar kështu “pajtimin” e tyre, tashmë po krijon një romancë brenda shtëpisë vip me konkurrenten Beatrix Ramosaj.

Ndërsa të gjithë kishin dyshimin se ishte thjesht një lojë, Donaldi tha mbrëmjen e djeshme se po bën atë që do, dhe ajo që do është Beatrix.

Ai gjithashtu tha se gjërat në mendjen e tij i ka të qarta, duke lënë të kuptohet se marrëdhënien me Bora Zemanin e ka hedhur pas krahëve. Kjo e fundit nuk ka reaguar, por ish-bashkëshorti i saj, Vin Veli me të cilin ka dhe një djalë, ka reaguar teksa po jepej emisioni.

Në një Instastory ku shihet më të dashurën e tij, ai shkruan: ”Na ndihmoni me ca kokoshka”, duke e ironizuar atë që po i ndodh Borës.