Federata e Futbollit të Kosovës pritet ta mbajë sot Kuvendin e Punës me fillim nga ora 17:00.
Ky Kuvend do të mabhet “online” për shkak të kushteve pandemike, megjithatë janë mësuar disa detaje nga shpenzimet e këtij organi.
Në vitin e pandemisë mbi 1 milion euro shpenzime më shumë!
Sipas pasqyrës financiare, në vitin 2020, Federata e Futbollit e Kosovës ka pasur shpenzime 12,013,369 euro apo 1,250,409 euro më shumë se në vitin 2019 kur atëherë shpenzonte 10,769,960 euro, shkruan GazetaSheshi.
Për paga, FFK-ja shpenzoi 3,154,459 euro, derisa në vitin 2019 kishte pak më shumë shpenzime apo thënë më ndryshe 3,525,964 euro.
Për ndihmat kundrejt klubeve u shpenzuan 1,131,357 euro, derisa në vitin 2019 kishte shumë pak – 209,204 euro.
Për akomodim janë dhënë 367,946 euro, për udhëtim 346,922 euro, kurse për shpedicion eshte shpenzuar 140,893 euro.
Investimet në infrastrukturë
Klubet në futbollin kosovar kërkesat më të mëdha ndaj FFK-së i kanë pasur për përmirësimin e kushteve infrastrkurore.
Për rinovimin e stadiumeve për klubet kosovare nuk u dha asnjë cent, derisa në vitin 2019 u ndanë 120 mijë euro.
Shpenzimet administrative
Shpenzimet e rrymës, zyrës, qirasë, telefonit, internetit e të tjera bëjnë pjesë në shpenzimet administrative.
FFK-ja përgjatë vitit 2020 vetëm për rrymë ka shpenzuar 59,184 euro, derisa në vitin 2919 kishte shpenzuar 65,333 euro.
Rritja e të hyrave
Gjatë vitit 2020, Federata e Futbollit e Kosovës ka pasur të hyra prej 11,958,589 euro, kurse në vitin 2019 ka pasur vetëm 10,762,960 euro, që në fund i bie që përdallim nga viti 2019 kishte rritje të të hyrave prej 1,195,629 euro.
Këtu bëjnë pjesë të hyrat nga UEFA, të drejtat autoriale, FIFA, subvencionet, aktivitetet e zakonshme, marketingu, sponzorizimi, organizimi i ndeshjeve, participimi dhe të hyrat e shtyra.
Borxhet e FFK-së
Ndërkaq, sa i përket detyrimeve afatgjata që përfshijnë detyrimet nga të hyrat e shtyra, në vitin 2020 kishte 1,091,804 euro, derisa në vitin 2019 kishte më shumë – 3,879,432 euro.
Në total, detyrimet afatshkurtra dhe afatgjata për vitin 2020 ishin 1,221,356 euro, kurse për vitin 2019 ishin 3,958,483 euro.
Federata e Futbollit e Kosovës do ta mbajë Kuvendin e Rregullt të Punës sot (e enjte) më 8 prill në orën 17:00.
