Në Ditën Ndërkombëtare të Romëve, në Frontal me Arsim Lanin në T7 ka folur zëvendësministri i Kulturës dhe Sportit, Sylejmon Elshani.

Elshani tha se janë shënuar disa përmirësime në jetesën e këtij komuniteti, por jo aq në fushën socio-ekonomike.

“Përmirësime ka, viteve të fundit kemi përmirësime. Mund të them në këto 10 vitet e fundit kemi përmirësim ne çdo aspekt, por në fushën sociale ekonomike jo”, tha ai.

Elshani tha se 70% e romëve janë të papunë.

Ai tregoi se është shtuar interesimi për shkollimin e fëmijëve edhe nga ana e prindërve.

“Në shkolla të mesme kemi një numër të konsiderueshëm që po shprehin interesim”, tha zëvendësministri.