Presidentja e Republikës së Kosovës, Vjosa Osmani ka kritikuar Qeverinë për ofrimin e Asociacionit.
Në lidhje më këtë çështje, deputeti i VV’së, Enver Dugolli në një përgjigje për GazetaBlic ka thënë se është mirë të kuptohet roli i secili institucion.
Dugolli thotë se nuk i kanë të gjitha obligimet dhe përgjegjësitë e njëjta.
“Është mirë të kuptohet roli i secilit institucion sepse jo të gjitha kanë obligime dhe përgjegjësi të njëjta në disa procese specifike. Qeveria e Kosovës ka detyra dhe përgjegjësi shumë të mëdha prandaj konformë këtyre obligimeve dhe përgjegjësive ajo ndërton strategji për ruajtjen e interesave jetike të shtetit tonë, gjithnjë duke u kujdesur për ruajtjen dhe kultivimin e objektivave tona strategjike”, thotë Dugolli.
Sipas Dugollit, është tejet normale që nganjëherë të mos kuptohen veprimet e ndonjë institucione.
Por, siç thotë ai, përkundër keqkuptimeve qëllimet janë të njëjta.
“Është normale qe nganjëherë edhe të mos kuptohen sa duhet veprimet e ndonjë institucioni, e rëndësishme është rruga përpara sepse Kosova e dinë ku është nisur dhe ku e ka vendin. Ne nuk kemi rrugë tjetër përveç asaj te perëndimit, në NATO e BE, prandaj e gjithë strategjia jonë zhvillohet mbi këtë bazë duke ruajtur interesat e republikës sonë. Është me rëndësi të themi se përkundër keqkuptimeve qe ndodhin ndonjëherë, qëllimet janë të njëjta, pra nuk dallojmë”, tha Dugolli për GazetaBlic.
