Sporti

“Diçka po zihet”, Zidane ishte në Santiago Bernabeu për të shikuar ndeshjen ndaj Milanit

11/06/2024 10:35
nga:Lorik J

Real Madrid dhe Carlo Ancelotti janë në një seri të vështirë dhe humbjet ndaj Barcelonës me 0:4 dhe Milanit me 1:3 në Champions League e vënë në pikëpyetje të ardhmen e italianit të famshëm. Reali është një klub që dëshiron gjithmonë sukses dhe dështime të tilla nuk tolerohen.

Florentino Perez është një njeri me përvojë të mjaftueshme dhe është i vetëdijshëm se duhet të marrë vendime të vështira.

Situata te Reali është e tillë që nuk është çudi që së shpejti të ketë një ndryshim trajneri.

Ndërsa Carlo Ancelotti analizoi humbjen ndaj Milanit në konferencën për shtyp jashtë stadiumit në Madrid, pati një turmë të madhe brohoritëse… Zinedine Zidane ishte në stadium për ta shikuar takimin.

Reali prej kohësh është në kërkim të një pasardhësi të Ancelottit, i cili herët a vonë do të largohet. Zidane del si një zgjedhje krejtësisht logjike. Megjithatë, nuk duhet harruar alternativa tjetër – Xabi Alonso.

/GazetaBlic Sport

 

Lajme tjera