Që nga fillimi i sezonit, Barcelona ka punuar shumë për rinovimin e mundshëm të kontratave me lojtarët e saj më të rëndësishëm, duke përfshirë edhe Gavin , Pedrin , Araújon , Koundén dhe Martínezin.
Megjithatë, ngjarja kulmore ishte kjo e martë, kur shtypi spanjoll njoftoi se Lamine Yamal do të zgjasë gjithashtu kontratën e tij me klubin.
Kjo mund të ndodhë vetëm kur ai të jetë në moshë madhore, me spanjollin që feston ditëlindjen e tij të 18-të në fund të sezonit, më 17 korrik 2025, pas Kupës së Botës për Klube, një garë në të cilën katalanasit nuk janë të përfshirë.
Sulmuesi nënshkroi kontratën e tij të parë profesionale në vitin 2022, por ajo marrëveshje ishte e kufizuar në tre vjet, pasi FIFA nuk lejon kontrata më të gjata për lojtarët nën 18 vjeç. Ai aktualisht është ende i lidhur me klubin deri në fund të sezonit të ardhshëm, për shkak të një rinovimi në fund të vitit 2023, por vetëm për një vit tjetër.
Gazeta spanjolle Sport zbuloi disa detaje të kësaj kontrate të re, duke deklaruar se do të jetë e vlefshme deri në vitin 2030, pra pesë vjet, koha në të cilën Yamal do të mbushë 23 vjeç, duke garantuar kështu praninë e tij në ekip gjatë fazës më të rëndësishme të zhvillimit të tij.
/GazetaBlic Sport/
