Deputeti nga Vetëvendosje, Mirsad Shkreta, ka thënë se po negociohet vazhdimisht nga Qeveria e Kosovës për sigurimin e vaksinave kundër COVID-19.

Ai ka akuzuar Qeverinë e kaluar dhe Ministrinë e Shëndetësisë për menaxhim të dobët dhe krijimin e një situate pandemike të rëndë, njofton Klan Kosova.

“Ne u detyruam të ndërmarrim masa që të ndërpresim trendin e rritjes që të shkarkoheshin spitalet e stërmbushura dhe të ndërpritej rritja”.

“Kemi të siguruara mjetet dhe vazhdimisht po negociojmë me kompanitë më të mëdha në mënyrë që nga maji e tutje të vaksinohet popullata pandërprerë. Nga maji do të ketë kontingjente të ndryshme që do të vijnë edhe nga BE-ja dhe në faza të ndryshme që deri në fund të vitit të marrim doza të mjaftueshme”.

Shkreta në Edicion Special ka thënë se Qeveria e ka në prioritet vaksinat.

“Niveli i diskutimeve është shumë i lartë, përfshirë kryeministrin dhe presidenten. Edhe Kurti e shtroi edhe çështjen e pandemisë në Bruksel. Niveli i marrjes me këtë çështje është niveli më i lartë i shtetit”.

 

Çitaku: Mos folni me përbuzje për Shqipërinë, janë garantues të sigurisë tonë