Ousmane Dembele çdo ditë e më shumë po i afrohet largimit nga Barcelona, ​​ka bërë të ditur Mundo Deportivo.

Futbollisti francez ka kontratë deri në fund të sezonit dhe në afatin kalimtar dimëror mund të nisë lirshëm negociatat me klubet e tjera, përcjell GazetaBlic Sport.

Mundo Deportivo shkruan se favorit për ta transferuar atë është Newcastle, një klub që së fundmi mori pronarë sauditë dhe u bë klubi me pronarët më të pasur në botë.

“Dembele ka tashmë ofertën astronomike të Newcastle në tryezë, një ofertë me të cilën Barcelona nuk mund të garojë. Anglezët i ofrojnë atij 15 milionë euro në vit, 15 milionë të tjera nëse ai vjen në qershor si lojtar i lirë. Dembele duket se do të largohet”, shkruan Mundo Deportivo.

Kujtojmë se Barça pagoi 135 milionë euro për transferimin e tij nga Borussia Dortmund.

/GazetaBlic Sport/