Drejtori sportiv i Barcelonës, Deco, ka folur hapur për rikthimin në klub në një rol drejtues dhe çështjet financiare me të cilat është përballur klubi gjatë viteve të fundit.

“Sa i përket një drejtori sportiv, duhet të shikosh se çfarë ke brenda klubit dhe pastaj duhet të dalësh në treg,” tha Deco.

“Kur ke lojtarë si Lamine Yamal, Pau Cubasí, Gavi ose Alejandro Balde e Marc Casado, nuk ke nevojë të jesh në treg. Nuk ke nevojë të blesh lojtarë.

“Njerëzit më thonë: ‘Për shkak të situatës financiare, Barcelona po përdor lojtarë të rinj.’ Nuk është e vërtetë. Ne po përdorim lojtarë të rinj sepse janë mjaftueshëm të mirë. Nëse nuk janë të mirë, është e pamundur të luash për Barcelonën.

“Kemi pasur fat në aspektin e cilësisë së këtij brezi, sepse atëherë nuk kishim nevojë të dilnim në treg në disa pozicione. La Masia na ka ndihmuar. Por na ka ndihmuar sepse janë lojtarë të mirë”, përfundoi ai.

/GazetaBlic Sport