Frenkie de Jong foli për ambiciet e tij për titull dhe për të qenë një nga kapitenët e Barcelonës, pasi nënshkroi zgjatjen e kontratës deri në vitin 2029.

Holandezi tha: “Është një nder i madh për mua të jem midis kapitenëve të Barcelonës. Jam shumë i lumtur për këtë.

“Gjithmonë përpiqem të jap shembullin më të mirë dhe t’u ofroj këshilla atyre që duan të dëgjojnë, dhe nuk do ta ndryshoj qëndrimin apo stilin tim sepse kështu kam qenë gjithmonë.

“Dhe me kalimin e viteve, e kupton se zëri yt brenda ekipit është bërë më me ndikim.”

28-vjeçari komentoi më tej se fitimi i Ligës së Kampionëve mbetet qëllimi i tij më i madh dhe Barca është e aftë ta arrijë atë.

“Unë ende nuk e kam fituar Ligën e Kampionëve me Barcelonën dhe ky është një qëllim i madh për mua dhe ekipin”, shtoi De Jong.

/GazetaBlic Sport