Redaktori i Il Corriere dello Sport ka frikë nga delegimi i gjyqtarit, Anthony Taylor si zyrtari i ndeshjes kur Italia luan me Austrinë në “Wembley” dhe thotë se kjo është pjesë e një komploti më të gjerë të Euro 2020 kundër Italisë.

Redaktori i gazetës, Ivan Zazzaroni tregon se qeveria italiane kërkoi të zhvendosë fazat e fundit të garës jashtë Londrës dhe bën pyetje në lidhje me një hakmarrje të mundshme nga UEFA dhe Anglia pas kësaj kërkese, përcjell GazetaBlic Sport.

Komenti tregon se qeveria italiane vuri në pikëpyetje strukturën organizative të UEFA-s dhe se kryeministri anglez, Boris Johnson u përgjigj duke rritur kapacitetin e stadiumit nga 45,000 në 61,500.

Zazzaroni më pas pyet nëse Anglia dhe UEFA mund të kenë bashkëpunuar për t’u siguruar që Italia të jetë jashtë gare, të paktën pasi mësoi se Anthony Taylor ishte caktuar gjyqtari i ndeshjes kundër Austrisë të premten.

Kjo për shkak se Taylor është gjyqtar anglez dhe kjo mund të ndikojë që ai të jetë i ndikuar në referimin e tij.

/GazetaBlic Sport/