Barcelona ende nuk ka njoftuar nënshkrimin e mesfushorit të Milanit, Franck Kessie për shkak të problemeve financiare.

Mesfushori i Fildishtë arriti një marrëveshje me katalanasit pak muaj më parë dhe është gati të fillojë një kapitull të ri të karrierës së tij, përcjell GazetaBlic Sport.

Ai kishte refuzuar disa oferta për zgjatje të kontratës nga kuqezinjtë përpara se të nënshkruante një marrëveshje katërvjeçare me gjigantët e La Ligës.

Megjithatë, sipas Sport.es, katalanasit nuk mund të njoftojnë nënshkrimin e tij dhe e njëjta gjë vlen edhe për Andreas Christensen, i cili gjithashtu do të transferohet në Katalonjë në një transferim të lirë nga Chelsea.

Barcelona tani duhet të lirojë pagat dhe të rrisë të ardhurat e saj për të pasur më shumë burime dhe për të regjistruar të dy lojtarët.

/GazetaBlic Sport/