Ylli i Juventusit, Angel Di Maria, konfirmon se dëshiron të rikthehet në Rosario Central në Argjentinë “qoftë vetëm për një vit”.

‘El Fideo’ iu bashkua Juventusit në një transferim të lirë verën e kaluar, duke nënshkruar një marrëveshje njëvjeçare, përcjell GazetaBlic Sport.

Gjigantët e Serie A shtynë për një marrëveshje dyvjeçare, por Di Maria donte të nënshkruante vetëm për një sezon për të pasur mundësinë të kthehej në Amerikën e Jugut në 2023.

Ai i ka konfirmuar planet e tij në një intervistë për CONMEBOL.

“E vërteta është se unë kam dashur të kthehem në Rosario Central për një kohë të gjatë,” tha ai.

“Është e vërtetë që gjërat në klub nuk janë të lehta tani, por unë ende i kam idetë e mia. Do të doja të shijoja futbollin argjentinas në ekipin ku kam lindur, qoftë edhe për vetëm një vit.”

/GazetaBlic Sport/