Sipas La Gazzetta dello Sport, Sven Botman dhe Charles De Ketelaere janë të vendosur të refuzojnë ofertat e Newcastle United dhe Leicester City për t’u bashkuar me Milanin.

Kuqezinjtë janë në kërkim të një qendërmbrojtësi të ri dhe një mesfushor ofanziv dhe kanë qenë në bisedime me të dy lojtarët për një kohë të gjatë. Agjentët e Botman arritën një marrëveshje në parim me Milanin në shkurt, por kuqezinjtë dhe Lille nuk kanë rënë dakord ende për çmimin e lojtarit, përcjell GazetaBlic Sport.

Sipas Gazzetta, Milani ofroi 30 milionë euro për të nënshkruar me mbrojtësin holandez, por interesi nga klubet e Premierligës, veçanërisht nga Newcastle United, ka rritur çmimin e lojtarit.

Raportet në Mbretërinë e Bashkuar sugjerojnë se Magpies së fundmi i kanë lëshuar një ultimatum Botman, duke paralajmëruar agjentët e tij se ata do të sulmonin një objektiv tjetër nëse mbrojtësi nuk pranon të transferohet në St James’ Park në ditët në vijim.

De Ketelaere është në një situatë të ngjashme pasi ai gjithashtu preferon Milanin. Milani ende nuk ka shtrënguar duart me Club Brugge, por janë të vetëdijshëm se një lëvizje e tillë mbetet prioriteti i lojtarit.