Portieri i Arsenalit, David Raya, është i bindur se “Topçinjtë” mund ta përmbysin rezultatin në ndeshjen e dytë kundër Paris Saint-Germain, pavarësisht humbjes 0-1 në ndeshjen e parë në Londër.

“Parisienët filluan me një gol të hershëm. Ata dominuan 15 minutat e para, por më pas mendova se morëm iniciativën në ndeshje. Patëm raste dhe Donnarumma bëri disa pritje të shkëlqyera”, tha spanjolli pas ndeshjes.

“Që nga minuta e 25-të treguam se mund të fitojmë kundër çdo skuadre. Këtë sezon kemi treguar se mund të fitojmë jashtë fushe, kështu që do të shkojmë në Paris javën tjetër për ta fituar ndeshjen”, siguroi Raya.

Ai tha gjithashtu për ndeshjen e dytë: “Do të përpiqemi t’i qasemi ndeshjes në të njëjtën mënyrë. Mendoj se luajtëm shumë mirë. I vumë nën presion dhe i lënduam shumë. E di që edhe ata patën shanset e tyre, por kjo është pjesë e futbollit. E dimë që mund të fitojmë kundër çdo skuadre.”

/GazetaBlic Sport