Kandidati për kryetar të komunës së Prishtinës nga radhët e Aleancës për Ardhmërinë e Kosovës (AAK), Daut Haradinaj ka thënë se me ardhjen e tij në pushtet do merret urgjentisht me lagjen Kodra e Trimave pasi që me programin e tij problemet e kësaj pjese gjejnë zgjidhje.

Haradinaj ka thënë se problemet e mëdha të lagjes Kodra e Trimave do gjejnë zgjidhje në programin e tij për një kryeqytet funksional dhe të barabartë për secilin qytetar të Prishtinës.

“Legalizmi i ndërtimeve, rritja e kuotave të ndërtimit, rritja e hapësirave sportive dhe investimet në infrastrukturë janë vetëm disa nga pikat të programit tonë për Kodrën e Trimave, të cilat do të trajtohen me urgjencë”, ka shkruar Haradinaj në Facebook.

Ndryshe Haradinaj edhe më herët ka theksuar se Prishtina ka nevojë për një plan të barazisë në ndërtime dhe se çdo pjesë e kryeqytetit duhet të trajtohet barabartë.

https://fb.watch/8cj2tCqByK/