Kryetar i partisë Socialdemokrate Dardan Molliqaj ka reaguar pasi kryeministri i Kosovës Albin Kurti, gjatë ditës në Kuvendin e Kosovës ka shpalosur gjashtë kushte për të themeluar Asociacionin e Komunave me Shumicë Serbe, raporton Gazeta Blic.
Molliqaj e ka quajtur Kurtin, kryeministër të Asociacionit.
Sipas tij, kryeministri i Asociacionit Kurti, nga foltorja e Kuvendit, e shpalli planin.
“Edhe për skeptikun e fundit, sot u bë e qartë që asociacionin e bën Albin Kurti. Por paska vendosur kushte për formimin e Asociacionit. Dhe kushtet që na i paska! Direkt nga foltorja e Kuvendit, kryeministri e shpalli planin. Edhe për skeptikun e fundit, sot u bë e qartë që asociacionin e bën Albin Kurti. Por paska vendosur kushte për formimin e Asociacionit. Dhe kushtet që na i paska!”, ka shkruar ai ndër të tjera.
Reagimi i plotë:
Kryeministri i Asociacionit
Direkt nga foltorja e Kuvendit, kryeministri e shpalli planin. Edhe për skeptikun e fundit, sot u bë e qartë që asociacionin e bën Albin Kurti. Por paska vendosur kushte për formimin e Asociacionit. Dhe kushtet që na i paska!
Kur ky thotë njohja si kusht, e ka fjalën për planin franko-gjerman. Kur ky thotë nuk ka asociacion monoetnik, po thërret që duhet t’i ndërrohet emri. Kjo është mënyra e tij e operimit. Nuk ka vend për befasi. Logjika doli zhveshur.
Plani dhe asociacioni u pranuan, kryeministër cila është dita e nënshkrimit? Tregoje datën!
Ftojmë të gjithë ata që janë kundër Asocaiacionit të bëhemi bashkë në organizimin e protestave. Kundërshtimi dhe organizimi janë në horizont.