Që nga largimi nga San Paulo, më 16 shtator, mbrojtësi veteran i djathtë, Daniel Alves ka qenë pa klub.

I papunë, lojtari 38-vjeçar është në Barcelonë me pushime me gruan e tij, Joana Sanz, ndërsa pret lajmet për të ardhmen e tij, përcjell GazetaBlic Sport.

Braziliani ndau një fotografi në rrjetet sociale duke pirë një kafe, me mbishkrimin “Mirëmëngjes”, në një bar në pjesën e sipërme të qytetit dhe disa tifozë i kërkuan të nënshkruante përsëri për Barçën, të cilën ai e përfaqësoi për tetë sezone, mes vitit 2008 dhe 2016

Dani Alves kishte një kontratë me San Paulon deri në vitin 2022. Megjithatë, ai u largua nga skuadra për shkak të vonesave të pagave, pas një konflikti midis dy palëve për shkak të një borxhi prej gati dy milionë eurosh.