Plani i përshkruar nga FIFA për të mbajtur një Kupë Bote çdo dy vjet po shqetëson Komisionin Evropian (KE).

“Unë i bashkohem plotësisht dyshimeve  federatave kombëtare evropiane të futbollit në lidhje me mundësinë për të pasur një Kupë Botërore dyvjeçare të futbollit”, tha nënkryetari i KE, Margaritis Schinas, përcjell GazetaBlic Sport.

“Evropa është epiqendra botërore e futbollit dhe ne kemi për detyrë të ruajmë një model që respekton interesat e tifozëve, mirëqenien e lojtarëve dhe logjikën e përgjithshme të kalendarit sportiv global, jo vetëm interesat komerciale,” shtoi greku.

FIFA po studion mundësinë e organizimit të një Kupë Bote në një model dyvjeçar me atë që aktualisht ai zhvillohet çdo katër vjet, një propozim i paraqitur nga Arabia Saudite, e cila tashmë ka pasur mbështetjen e federatave nga kontinentet afrikane dhe aziatike.

Arsene Wenger, konsulent i FIFA -s dhe ish -trajner, gjithashtu e mbështet këtë ide.

/GazetaBlic Sport/