Një tjetër goditje e rëndë për Thibaut Courtois. Portieri i Real Madridit, i cili nuk ka luajtur ende këtë sezon për shkak të një këputjeje të ligamentit në gjurin e majtë, ishte gati të kthehej në fushë – por në stërvitje këtë të martë, ai dëmtoi rëndë gjurin tjetër.

Sipas gazetës Marca, Courtois u largua i përlotur nga puna e skuadrës, pasi pësoi një këputje të meniskut të brendshëm në gjurin e djathtë.

“Pas analizave të bëra sot [të martën], lojtari ynë Thibaut Courtois u diagnostikua me një çarje në meniskun e brendshëm të gjurit të tij të djathtë. Lëndimi ndodhi gjatë stërvitjes”, konfirmoi më vonë Real Madrid në një deklaratë zyrtare.

Kujtojmë që Carlo Ancelotti kishte deklaruar se, pas kësaj pauze për angazhimet ndërkombëtare, priste që Thibaut Courtois të kthehej te opsionet.

/GazetaBlic Sport