Antonio Conte ishte i nervozuar me VAR pas penalltisë së dhënë ndaj Interit në barazimin 1-1 kundër Napolit.

“Është një instrument i mrekullueshëm, por duhet përdorur me ndershmëri ose fillon të krijojë mendime të këqija”, tha Conte për DAZN.

“Ose VAR është aty për të korrigjuar gabimet ose nuk është. Nëse ka një gabim, duhet të ndërhyjë. Madje çfarë do të thotë kjo? Më nervozon vërtet. Në terma logjikë, nëse ka VAR, duhet të përdoret për të korrigjuar gabimet ose për t’i treguar arbitrit situata që ai nuk i ka parë. Nëse është një gabim i qartë, dhe ishte, atëherë pse duhet të lejohet Mariani ta bëjë këtë.”

“Ne kishim filluar shumë mirë me VAR-in, por tani gjërat po dalin nga rruga dhe nuk po ndërhyhet. Thirrni arbitrin, ai mund të konfirmojë edhe vendimin nëse dëshiron, por duhet ta shohë përsëri. Këtë do ta thoja edhe për ne edhe për kundërshtarët”, përfundoi ai.

Megjithatë, Napoli mbetet lider në Serie A, pavarësisht barazimit të sotëm.

/GazetaBlic Sport