Ish futbollisti, Christian Vieri është një legjendë e futbollit italian. Tifozët e kujtojnë atë më së shumti për kohën e tij në Inter, gjatë së cilës ai shënoi mbi 100 gola dhe për një kohë formoi ndoshta tandemin sulmues më të mirë në botë me brazilianin Ronaldo.

Në një moment, ai ishte lojtari më i shtrenjtë në historinë e futbollit dhe u bë i tillë kur Interi e solli nga Lazio në Giuseppe Meazza në vitin 1999 për një kompensim prej 45 milionë eurosh. Vieri ishte golashënuesi më i mirë në Serie A në 2003, dhe në 1997 në La Liga ndërsa luante për Atletico Madrid.

Përveç reputacionit të tij si futbollist, ai njihej edhe si një joshës i madh që ndryshonte shpesh partneret.

Një nga më të njohurat ishte modelja Elizabeth Canalis, e cila merrej edhe me kikboks, e cila tha për Vierin: “Ai është një person shumë gazmor dhe shumë i ndjeshëm ndaj sharmit të femrave, më ka tradhtuar gjatë gjithë kohës. Të them të vërtetën, ai mori disa shuplaka pas të cilave unë e lashë.”

Në intervistë, Vieri nuk e mohon që ka qenë viktimë e dhunës fizike dhe thekson: “Më ka rrahur rëndë kur e kam nervozuar. E kam nervozuar aq shumë sa më ka shkatërruar Porschen e re me çelës”, përfundoi ai.

/GazetaBlic Sport/