Chelsea mund të jetë në kërkim të një trajneri të ri gjatë verës, pasi Mauricio Pochettino vazhdon të jetë nën presion të madh.

Trajneri i Bayern Munichut, Thomas Tuchel, është përmendur si një kandidat i mundshëm për t’u rikthyer në Londër, ndërsa emri më i fundit vije nga Spanja.

Krerët e klubit të Chelseat thuhet se kanë kontaktuar me përfaqësuesit e trajnerit të Gironas, Michel Sanchez.

Padyshim se Girona është sensacion i këtij sezoni dhe merita të mëdha ka trajneri spanjoll.

Sipas “AS”, zyrtarë nga klubi i Chelseat udhëtuan drejt Spanjës për të biseduar me Michelin, si dhe për t’i komunikuar një ofertë serioze.

Megjithatë, 48-vjeçari besohet se nuk do të pranojë një ofertë nga “Blutë” ose klub tjetër, duke marrë parasysh se ai kishte deklaruar publikisht se do të jetë trajner i Gironas edhe për sezonin e ardhshëm.

Michel me Gironan ka kontratë të vlefshme deri në verën e vitit 2026.