La Gazzetta dello Sport konfirmon se Mike Maignan do të humbasë takimin e javës së ardhshme në Ligën e Kampionëve midis Milanit dhe Tottenhamit në ‘San Siro’.

Gazeta Tuttosport pohoi javën e kaluar se francezi ishte ende duke u rikuperuar nga një dëmtim në dhe nuk do të shërohej në kohë për ndeshjen e parë të raundit të 16-të të Ligës së Kampionëve kundër Tottenhamit të Antonio Contes më 14 shkurt, përcjell GazetaBlic Sport.

Edicioni i sotëm i La Gazzetta dello Sport konfirmon se Maignan nuk është ende plotësisht në formë, duke shtuar se ka shumë pak gjasa që ish-portieri i Lille të jetë mes shtyllave për kuqezinjtë në ndeshjen e tyre me Spurs javën e ardhshme.

Sipas raportit, rikthimi i Maignan në aksion është vonuar më tej me portierin që mund të kthehet në mars. Prandaj, Stefano Pioli shpreson që 27-vjeçari të jetë i disponueshëm për takimin e dytë me skuadrën angleze, por klubi nuk ka caktuar një datë zyrtare për rikthimin e tij.

/GazetaBlic Sport/