Skuadra e Romës ditë më parë ka zyrtarizuar Claudio Ranierin si trajner deri në fund të sezonit.

E për këtë ka reaguar edhe ish-futbollisti i skuadrës romake, Antonio Cassano.

Ai tha se kjo është e neveritshme dhe se Roma ka bërë gabim me emërimin e Ranierit.

“Për mendimin tim, familja Friedkin bëri një gabim tjetër. Kur panë që atmosfera ishte helmuese në Romë, menduan: do të kthejmë dikë që të qetësohen të gjithë. Është e neveritshme. Me gjithë respektin për Ranierin, i cili është një zotëri i vërtetë, le të jemi të sinqertë. Ai vetë tha se kishte dalë në pension, se ishte me pushime. Ai sjell qetësi dhe paqe, por Roma ka nevojë për diçka më shumë, një trajner me përvojë ndërkombëtare, ‘fitues. Kjo është e neveritshme. A është vetëm për të qetësuar njerëzit? Meqenëse nuk jam budalla, e di që disa njerëz do të jenë të lumtur që Ranieri është rikthyer, por është e neveritshme të sjellësh dikë që ndoshta do të bëhet menaxher i klubit vitin e ardhshëm”, ka deklaruar Cassano.