Burim Meta, ish-deputet i listës “Guxo”, ka shprehur qartë mendimin e tij se opozita nuk duhet t’ia japë votën VV-së për Kryeparlamentar.
I pyetur nga GazetaBlic nëse opozita duhet ta mbështesë këtë propozim, ai nuk ngurroi të përgjigjej me një “Jo” të prerë.
Ndryshe, Presidentja e Kosovës, Vjosa Osmani, e ka caktuar datën 15 prill për mbajtjen e seancës konstituive të Kuvendit të ri të Kosovës.
“Presidentja e Republikës së Kosovës, Vjosa Osmani, në përputhje me autorizimet kushtetuese dhe afatet ligjore, ka thirrur mbledhjen e parë të Legjislaturës së nëntë të Kuvendit të Kosovës për datën 15 prill 2025”, u tha në një njoftim të shkurtër nga Presidenca.
