Kryetari i Podujevës, Shpejtim Bulliqi sonte në emisionin “Rubikon” në Klan Kosova, duke folur për zgjedhjet, u shpreh se nuk e ka në plan të kandidojë.

Mirëpo, u shpreh se nëse i kërkohet një gjë e tillë, ai nuk e ka problem që ta bëjë, njofton Klankosova.tv.

“Tek ne si subjekt politik është një proces pak më ndryshe, ne e kemi njëfar demokraci pak më të avancuar, për arsye se tek ne njerëzit aplikojnë, e mbush aplikacionin, konkurron, ka me i marrë një të tretën e nënshkrimeve të anëtarëve të Këshillit të Përgjithshëm, e bën aplikacionin dhe aplikacionet shkojmë nëpër komisionet gjegjëse dhe shqyrtohen. Kështu zgjidhen ata që i plotësojnë kriteret, i kanë përcjellur të gjitha rregullativat ligjore edhe shkojnë tutje”.

“Kryesia e nivelit qendror, Këshilli i Përgjithshëm e jep verdiktin final. Tash varet prej subjektit politik si e sheh këtë çështje, unë e kuptova nga Smajli që tek Aleanca këta po konkurrojkan. Unë për vete nuk kam plan të konkurrojë, sepse nuk kam aplikuar, është mbyllur afati i aplikimit, nuk kam bërë aplikacion. Por, nëse kërkohet që duhet të jetë pjesë e asaj liste unë nuk e kam hiç telashe që të jem pjesë e asaj liste”, u shpreh tutje Bulliqi.