Leonardo Bonucci mund të luajë këtë sezon në Ligën e Kampionëve edhe pse Juventus nuk është aty.

Kjo sepse 36-vjeçari mund të ndryshojë klub dhe pritet që së shpejti të ketë vendim zyrtar.

Sipas Relevo, Bonucci është një objektiv i Union Berlin. Klubi gjerman që përfundoi i katërti në Bundesligë sezonin e kaluar dëshiron të mbyllë marrëveshjen sa më shpejt të jetë e mundur.

Juventusi po kërkon në mënyrë aktive të heqë qafe Bonuccin, kështu që ky transferim mund të ketë kuptim për të gjithë të përfshirët.

Unioni do të luajë për herë të parë në Ligën e Kampionëve dhe ata kanë nevojë për përvojë në fushë.

Skuadra gjermane është një nga blerësit më të zgjuar në Gjermani, siç dëshmohet nga suksesi i tyre i jashtëzakonshëm që kur u ngjitën nga niveli i dytë vetëm katër vjet më parë.