Juventusi po shqyrton mundësinë për t’i ofruar një pozicion trajneri ish-mbrojtësit dhe kapitenit të tyre legjendar, Leonardo Bonucci.

Vetë Bonucci u takua së fundmi me mikun e tij të vjetër Giorgio Chiellini, i cili është në rrugën e tij për një rol të ri te gjigantët e Torinos, transmeton GazetaBlic Sport.

Juve po e shqyrton seriozisht mundësinë e emërimit të Bonuccit në një pozicion trajneri në klub. Mundësitë janë që pozicioni i Bonuccit të jetë në ekipin e të rinjve të Bianconerëve ose në ekipin e parë si asistent. Për opsionin e dytë, është me shumë rëndësi se kush do ta drejtojë Juventusin sezonin e ardhshëm.

Më herët këtë javë u raportua se drejtori Francesco Calvo kishte dhënë dorëheqjen dhe do të merrte përsipër detyrën e drejtorit ekzekutiv të skuadrës së Premier League, Aston Villa, një veprim që i ka hapur më shumë mundësi Giorgio Chiellini-t për të lobuar për Bonuccin.

/GazetaBlic Sport/