Geek

BMW M3 i parë më praktik arrin në gjysmën e dytë të vitit 2022

01/26/2022 11:05
nga:Donika Fetahu

Pas 36 vitesh pritje/mospritje në BMW, më në fund i kanë dhënë dritën jeshile departamentit të famshëm M ku po mbarojnë punën për M3 Touring.

Përgjigja e BMW ndaj modeleve të konceptuara në mënyrë të ngjashme të ofruara nga Audi dhe Mercedes-Benz prej vitesh ka hyrë në fazat përfundimtare të testimit dhe M3 i parë në një paketë më praktike stacion vagoni do t’i bashkohet pjesës tjetër M të serive 3 dhe 4.

Me sloganin “E njëjta fuqi në një formë të re” në Mynih, sugjerohet qartë se M3 Touring do të fuqizohet gjithashtu nga motori i famshëm biturbo me gjashtë cilindra me tre litra (S58) që fuqizon M3/M4 dhe zhvillon 510 kuaj/fuqi dhe 650 Nm moment rrotullues maksimal.

Edhe pse ende nuk është konfirmuar zyrtarisht, është përmendur më parë se M3 Touring do të ofrohet ekskluzivisht në kombinim me të dy boshtet (xDrive) dhe transmetimin automatik me 8 shpejtësi, por performanca nuk do të mungojë duke pasur parasysh potencialin e motorit në fjalë.

Si përkujtim, M3 Touring do të jetë karroca e tretë që do të “nënshkruhet” nga departamenti M i BMW, i cili deri më tani ka ofruar etiketën e tij magjike “shkronja dhe numër” vetëm në kombinim me modelet më të mëdha të Serisë 5 (E34 dhe E61).

Një përpjekje e gjatë e bazuar në Serinë 3 (E46) përfundimisht mbeti në formën e prototipit.