Një natë më parë, biznesmeni gay Elton Ilirjani ishte i ftuar në emisionin “Zonë e Lirë” ku u pyet nga gazetari Arian Çani për look-un e tij dhe se si ka ndryshuar këto vite.

Ilirjani u shpreh se nuk dëshiron të ndryshojë gjininë.

Gjithashtu ai tha se është shumë i kënaqur që nuk do të shkojë më me meshkuj shqiptarë.

Ti ende nuk e ke ndryshuar gjininë? Ke ndryshuar look-un, nga çun je bërë gocë, por gjininë nuk e ke ndryshuar akoma?, u pyet ai.

“Jam çun, nuk jam gocë. Look-u nuk të bën femër apo mashkull, organi seksual të bën femër apo mashkull”, u shpreh biznesmeni.

“Ndoshta mund të perceptohet kështu, por nuk dua që ta ndryshoj gjininë. Mendoj që njerëzit që ndryshojnë gjininë duhet të mendohen mirë. Të gjitha institucionet përgjegjëse për këtë duhet të sigurohen që këta persona që ndërrojnë gjininë, nuk e ndryshojnë këtë për të bërë para apo se meshkujt shqiptarë i duan ata femra. Unë e kam thënë herë tjetër, ka shumë meshkuj shqiptarë, që unë shyqyr Zotit nuk do shkoj më me meshkuj shqiptarë, falenderoj Zotin që jam në Amerikë. Meshkujt shqiptarë edhe kur shkojnë me një mashkull duan ta kthejnë në një femër. Kam frikë që një transgjinor në Shqipëri bëhen të tillë se duan të kënaqin meshkujt. Kjo është gabim”, tha ai.