Real Madridi i dha fund vitit 2024 me një fitore mbresëlënëse, teksa ata mposhtën me rezultat 4-2 Sevillan në ‘Santiago Bernabeu’.

Ky rezultat bëri që ata ta tejkalojnë Barcelonën në renditje dhe të ngjiten në pozitën e tretë në tabelës, ndërsa mbeten një pikë pas Atletico Madridit që është lider.

“Ne ndihemi mirë në sulm. Sot na mungoi një lojtar i rëndësishëm siç është Vinicius, por lojtarët u paraqitën mirë, të gjithë patën një ndeshje të shkëlqyer”.

“Ne gjithashtu luajtëm më mirë nga mbrapa dhe kur sulmonim me pasime të mira nga mbrojtja ne kishim më shumë raste”, ka thënë Ancelotti.

65-vjeçari dha gjithashtu vlerësimin e tij se ekipi i tij është rikthyer në formën e tyre më të mirë pas katër fitoreve në pesë ndeshjet e fundit në të gjitha garat.

“Pas humbjes ndaj Milanit, ne biseduam dhe i rregulluam gjërat. Ne jemi rikthyer dhe kemi sqaruar të gjitha gjërat”.

“Kur diçka nuk shkon mirë, ju jeni përgjegjës. Faleminderit për mbështetje ndaj lojtarëve dhe klubit, ata asnjëherë nuk më shfaqën mua ndonjë shqetësim, por vetëm qetësi dhe mbështetje”, përfundoi italiani.