Kandidati i LDK-së për deputet, Besim Mulaj, ka thënë se ka pasur vizitë frymëzuese me bizneset në Istog, raporton Gazeta Blic.
“Takimin e nisëm me kompanitë Agroproduct Shpk dhe Blif, të cilat janë ambasadore të produkteve të Istogut në tregun evropian. Pas tyre, patëm kënaqësinë të takojmë znj. Mire Bytyqi, një grua e fuqishme dhe e suksesshme që ka ndërtuar një biznes të suksesshëm në fushën e tekstilit”, ka shkruar ai.
“Vizita jonë vazhdoi te bizneset që mbajnë një traditë krenare për Istogun, si kultivimi i peshkut nga familjet Demiraj, Januzaj dhe Arifaj, të cilat prodhojnë produkte me standarde evropiane që tregojnë vlerat e rajonit tonë”, është shprehur Mulaj.
Ai ka thënë se për fund kanë takuar vëllezërit Bytyqi që në qendër të Istogut janë bërë fjala kryesore që vetura juaj të shkëlqejë.
Postimi i tij i plotë:
Vizita e sotme me biznese frymëzuese në Istog,
Sot pata nderin që së bashku me kandidatët për deputet nga LDK e Istogut, kryetarin e nëndegës së Istogut z. Driton Alihajdari dhe asambleisten Liridona Lajqi, të organizojmë dhe të realizojmë takime me disa nga bizneset që po e bëjnë Istogun krenar.
Takimin e nisëm me kompanitë Agroproduct Shpk dhe Blif, të cilat janë ambasadore të produkteve të Istogut në tregun evropian. Pas tyre, patëm kënaqësinë të takojmë znj. Mire Bytyqi, një grua e fuqishme dhe e suksesshme që ka ndërtuar një biznes të suksesshëm në fushën e tekstilit.
Vizita jonë vazhdoi te bizneset që mbajnë një traditë krenare për Istogun, si kultivimi i peshkut nga familjet Demiraj, Januzaj dhe Arifaj, të cilat prodhojnë produkte me standarde evropiane që tregojnë vlerat e rajonit tonë.
Për fund takuam vëllezërit Bytyqi që në qendër të Istogut janë bërë fjala kryesore që vetura juaj të shkëlqejë.
Krenaria për këto biznese dhe punën e tyre më motivon që t’i jap mbështetjen time të plotë. Biznesi është dhe do të jetë prioritet mbi prioritetet e mia. Si deputet, zotohem për:
Përkrahje të vazhdueshme për bizneset.
Rritje të subvencioneve.
Krijimin e zonës ekonomike në Istog.
Uljen e TVSH-së në 8%, një nismë e filluar nga qeveria Hoti që ende pret finalizimin.
Istogu ka potencial të jashtëzakonshëm, dhe së bashku mund ta çojmë përpara!
#pabesimskandryshim #BëhuNdryshimi #ldk #ldk124 #NR79
